Plantun de Prouvènço

Pèr coumpara dos planto d'encò nostre

Iberis pinnata & Erodium chium

fotò
fotò
Blanchoun

Iberis pinnata

Brassicaceae Cruciferae

Àutri noum : Ègo, Linçoulado, Taraspi, Ardeno-blanco, Bramo-fam.

Nom en français : Ibéris à feuilles pennées.

Descripcioun :
Lou blanchoun es uno planto de l'an pulèu coumuno que trachis dins li tepiero roucaiouso e li champ. Fai de mato de flour blanco que s'espandisson au sòu ço que i'a douna si noumbrous noum. Se recounèis à si fueio poupouso e penado. Lou fru èi peréu tipi, en cor, emé l'estile que sort un pau, au contro de la meno proche Iberis amara.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 8 à 30 (40) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Iberis
Famiho : Brassicaceae
Famiho classico : Cruciferae

Ordre : Brassicales

Coulour de la flour : Blanco
Petalo : 4
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun

Liò : Tepiero seco - Roucaio - Champ
Estànci : Termoumediterran à Mountagnard
Couroulougi : Eurimediterrano-Nord-Ouèst
Ref. sc. : Iberis pinnata L., 1755

fotò
fotò
Frisoun(-de-Chios)

Erodium chium

Geraniaceae

Àutri noum : Aguïeto, Aguïo.

Nom en français : Bec-de-grue de Chios.

Descripcioun :
Aquéu frisoun trachis dins li tepiero seco pas trop liuen de la mar. Douno proun d'èr à Erodium malacoides, mai èi pu pichot, dins li mémi coundicioun, dins tóuti si partido. Se recounèis à si fueio que soun bèn entaiado au mitan (fotò), à si flour souvènt (mai pas toujour) pu claro, quàsi blanco, e à si fru madur pu long (> 35 mm) e sènso rego.

Usanço :
Li fueio dèvon èstre manjadisso cruso o cuecho coume pèr soun cousin, lou frisoun, Erodium malacoides.

Port : Erbo
Taio : 3 à 6 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Erodium
Famiho : Geraniaceae


Ordre : Geraniales

Coulour de la flour : Vióuleto
Petalo : 5
Ø (o loungour) flour : 1 à 1,5 cm
Flourido : Printèms Autouno - Ivèr

Sòu : Ca
Autour basso e auto : 0 à 50 m
Aparado : Noun
Óutobre à jun

Liò : Mar - Tepiero seco
Estànci : Termoumediterran à Mesoumediterran
Couroulougi : Eurimediterrano
Ref. sc. : Erodium chium (L.) Willd., 1794

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
ges
ges
ges
C
R
ges
ges
ges

Iberis pinnata & Erodium chium

R
RR
CC
C
ges
R
ges
ges

Coumpara Blanchoun emé uno autro planto

fotò

Coumpara Frisoun(-de-Chios) emé uno autro planto

fotò